पहिलो पटक आमा र प्रेमीसँग एकसाथ देखिइन् साम्राज्ञी

२३ पुष २०७५, काठमाडौँ

साम्राज्ञी राज्यलक्ष्मी शाह अहिलेकी निकै डिमाण्डेड र चर्चित अभिनेत्री हुन् । नेपाली चलचित्र क्षेत्रमा उनको लोभलाग्दो क्रेज छ । उनै साम्राज्ञी विवभिन्न कारणले मिडियामा छाइरहन्छिन् । यतिबेला साम्राज्ञी आफ्नो चलचित्रको कामले गर्दा भन्दा पनि आफ्ना प्रेमीसँगको अफेयरका कारण चर्चित बन्न पुगेकी छिन् । उनले उनको जन्मदिन आफ्ना प्रेमीका घरमा मनाएदेखि उनको प्रेमको चर्चा हुन थालेको हो ।

पहिले पहिले साम्राज्ञी आफ्नो प्रेमबारे केहि बोल्दिनथिन । हुन त अहिले पनि उनले खुलेर आफ्नो प्रेमबारे बोलेकी छैनन् । तर आजभोली उनी सार्वजनिक स्थलमा बिना हिचकिचाहट आफ्ना प्रेमीका साथ पुग्न थालेकी छिन् । केहिसमय अघिपनि उनी आफ्ना प्रेमीसँग चलचित्र मारुनी को कार्यक्रममा पुगेकी थिइन् । त्यतिबेला चलचित्रले भन्दापनि साम्राज्ञीको प्रेमको कुराले चर्चा पायो ।

केहिदिन अगाडी मात्र उनी फेरि एक कार्यक्रममा आफ्ना प्रेमी र आमासँग पुगेकी छिन् । साम्राज्ञी अधिकांश कार्यक्रममा आफ्नी आमासँग नै पुग्ने गरेको देखिन्छ । तर उक्त कार्यक्रममा उनी आमा र आफ्ना प्रेमी देवांशसँग देखिएकी थिइन् ।