बर्ष २०१८ फापेन बलिउडका तीन चर्चित खानलाई, पहिलो पटक एकैसाथ भए फ्लप

२४ पुष २०७५, काठमाडौँ

बलिउडका तीन खानलाई बलिउडमा सबैभन्दा चर्चित अभिनेता मानिन्छ । बलिउडका डिमाण्डेड ३ खान सलमान, शहरुख र आमिरको सधैँ प्रतिस्पर्धा हुने गर्छ । त्यतिमात्र नभएर बक्सअफिस रेकर्ड हेर्दा पनि यिनै ३ खानको राज देखिन्छ । हत्तपत्त यी तिन खानको चलचित्र फ्लप हुने गर्दैन । अझ हरेक चलचित्रले बक्सअफिसमा नयाँ रेकर्ड बनाइरहेका हुन्छन् । तर २०१८ यी तिनै खानको लागि असफल बन्न पुग्यो ।

२०१८ मा सलमानको बुप्रतिक्षित चलचित्र रेस ३ प्रदर्शनमा आयो । चलचित्रले १०० करोडभन्दा बढी कमायो तर दर्शकले चलचित्रलाई कत्तिपनि राम्रो प्रतिक्रिया दिएनन् । उल्टो सलमानको बेइजत पनि भयो । त्यस्तै २०१८ मा आमिरले पनि आफ्नो चलचित्र ठग्स अफ हिदुस्तान लिएर दर्शकमाझ आए । तर उनीपनि नराम्रोसँग पछारिए । दर्शकले उनको चलचित्रलाई कत्तिपनि रुचाएनन् ।

त्यसपछि बर्षको अन्त्यतिर अर्का खान शाहरुख खानले आफ्नो चलचित्र जिरो लिएर दर्शकमाझ आए । उनको लागि यो चलचित्र निकै विशेष थियो । तर विडम्बना यो चलचित्रले बक्सअफिसमा पानी समेत भन्न पाएन । यसरी हेर्दा सम्भवत पहिलो पटक एकैसाथ तिन खान असफल भएका छन् ।