२५ पुष २०७५, काठमाडौँ
नेपाल आइडल सिजन २ का प्रतिस्पर्धी केहिसमय अघि आफ्नो पहिलो अन्तराष्ट्रिय टुरका लागि जापान उडेका थिए । जापानका विभिन्न स्थानहरुमा ८ कार्यक्रम सकेर नेपाल आइडलको टोली ८ दिनपछि हिजो मध्रातमा नेपाल फर्किएको छ । उत्कृष्ट ५ मा पर्न सफल प्रतियोगीहरु जापान गएका थिए ।
जापानबाट फर्किदा सबैजना निकै खुसी देखिन्थे । विशेषगरी रवि ओडको ओठमा निकै खुसी देखिन्थ्यो । उनले आफूलाई अन्य राष्ट्रहरुमा पनि दर्शकले यतिधेरै माया गरेको देखेर निकै खुसी लागेको बताए । सबै प्रतिस्पर्धीले जापानमा प्रस्तुती दिदाँ नेपालको भन्दा फरक महशुस भएको बताए ।
नेपाल आइडलका प्रतिस्पर्धीले जापानका विभिन्न टोकियो, फुकुओवा, नागोया जस्ता सहरहरुमा प्रस्तुती दिएका थिए । सबै प्रतिस्पर्धीको आफ्नै खालको क्रेज त्यहाँ देखिएको थियो । रविले अब आफूले अझै राम्रा प्रस्तुती दिएर दर्शकको मन जित्ने बताए ।
