२५ पौष २०७५, काठमाडौं
यस वर्षको इन्डियन प्रिमियर लिग (आईपीएल) भारतमै हुने पक्का भएको छ । भारतीय क्रिकेट कन्ट्रोल बोर्ड(बिसीसीआई) का अनुसार आईपीएल मार्च २३ देखि सुरु हुने सम्भावना रहेको छ ।
यसअघि आउँदो लोकसभा चुनावका कारण यो संस्करणको आईपीएल भारतबाहिर हुने बताइएको थियो । तर मंगलबार बीसीसीआईले यस वर्षको आईपीएल भारतमै हुने जानकारी दिएको हो ।
यसभन्दा पहिले भारतमा आम चुनाव भएकै कारण दुई पटक आईपीएल भारतबाहिर आयोजना गरिएको थियो । सन् २००९ मा दक्षिण अफ्रिका र सन् २०१४ मा यूएईमा आईपीएल आयोजना गरिएको थियो ।
तर, यस वर्ष भने आईपीएल भारतमै हुने छ । आईपीएल २०१९ का खेलको पूरा विवरण भने सार्वजनिक भैसकेको छैन ।
