२५ पौष २०७५, काठमाडौं
नेपाली लेग स्पिनर सन्दीप लामिछाने अनुबन्धित टोली सिलेट सिक्सर्सले बंगलादेश प्रिमियर लिग (बिपीएल) क्रिकेटको दोस्रो खेलमा चितागोङ भिकीङ्सलाई जितका लागि १६९ रनको लक्ष्य दिएको छ ।
टस जितेर पहिले ब्याटिङ गरेको सिक्सर्सले पुरै २० ओभर खेल्दै ५ विकेट गुमाएर १६८ रन बनाउन सक्यो । सिक्सर्सका लागि कप्तान डेभिड वार्नर र निकोल्स पुरनले अर्धशतकीय इनिङस खेले । वार्नरले ५९ रन जोड्दा पुरनले अविजित ५२ रन जोडे । अफिफ हुसेनले ४५ रन बनाए । भिकीङ्सका रोबी फ्राईलिंकले ३ विकेट लिए ।
पहिलो खेलमा पराजित भिकीङ्स पहिलो जित निकाल्ने लक्ष्यसहित मैदान उत्रिएको छ ।
