२६ पौष २०७५, काठमाडौं
ब्राजिलियन युवा स्ट्राइकर नेमार जुनियर पुनः स्पेनिस क्लब बार्सिलोनामा फर्कन चाहेको बताएका छन् । सन् २०१७ को सिजनमा १९ करोड ८० लाख पाउन्डमा बार्सिलोनाबाट अप्रत्यासित रूपमा नेमार पेरिस सेन्ट जर्मेन (पिएसजी) मा आवद्ध भएका उनी फेरी फर्कन चाहेका हुन् ।
यो पटक विन्टर ब्रेकको मौका छोपी नेमारले आफ्नै बुवा सान्तोषको सहयोगमा बार्सिलोनामा फर्कने कुरा चलाएको बताइएको छ । गत नोभेम्बरमा नेमारका बुवाले लन्डनमा बार्सिलोनाको एजेन्टसँग कुरा चलाएका थिए । त्यसवेला नेमारका बुवा भने आफ्नो छोरो नयाँ वर्षमा पुनः बार्सिलोनाको जर्सीमा देखिन सक्ने अन्तर्राष्ट्रिय मिडियालाई प्रतिक्रिया दिएका थिए ।
सन् २०१३ मा नेमार सन्तोषबाट बार्सिलोनामा आवद्ध भएका थिए । यता पिएसजीले यस सिजनमा नेमार वा केलियन एम्बाप्पेमध्ये एकलाई मोटो रकममा बिक्री गर्न चाहेको छ ।
