रोनाल्डोलाई पक्राउ गर्न पुर्जी जारी

२७ पौष २०७५, काठमाडौं

विश्व फुटबलका चर्चित खेलाडी रोनाल्डोविरूद्ध पक्राउ पुर्जी जारी भएको छ । बलात्कारको आरोप लागेका रोनाल्डोको डीएनए टेस्टका लागि पक्राउ पुर्जी जारी गरिएको हो ।

पक्राउ पुर्जी अमेरिकाको लस भेगास प्रहरीले जारी गरेको हो । अमेरिकाको लस भेगासमा बलात्कारको मुद्दा चलिरहेका रोनाल्डो यतिबेला इटालियन सिरी ए खेलिरहेका छन् । स्पेनको रियल म्याड्रिडबाट ला लिगा खेल्दै आएका रोनाल्डो यो सिजनदेखि इटालियन क्लब युभेन्टसमा गएका छन् ।

रोनाल्डोमाथि एक अमेरिकी पूर्वमोडल क्याथरिन मायोर्गाले बलात्कारको आरोप लगाएकी हुन् । उनले घटना सन् २००९ मा लस भेगासको एक होटलमा घटेको बताएकी छन् । रोनाल्डोले भने सबै आरोप गलत भएको भन्दै आफ्नो बचाउ गर्दै आएका छन् ।