डा. केसीको अनसन आज पनि जारी, ९५ प्रतिशत माग सम्बोधन भएको सरकारको दावी

२७ पौष २०७५, काठमाडौं

सरकारसँग पछिल्लो समय भएको सम्झौता अक्षरशः कार्यान्वयन नभएको भन्दै डा. गोविन्द केसीले बुधबारदेखि सुरु गरेका आमरण अनसन आज पनि जारी छ ।

संसदीय समितिले सहमतिविपरित चिकित्सा शिक्षा विधेयक पारित गरेपछि त्यसको विरोध गर्दै डा. केसी इलाम पुगेर १६ औं अनसन सुरु गरेका हुन् । चिकित्सा शिक्षा सुधारको माग गर्दै यसअघि नै १५ औं असनसन बसिसकेका डा. केसीसँग गत १० साउनमा ९ बबुँदे सहमति गरेको थियो ।

सो सहमति हुबहु कार्यान्वयन गनै आग्रह गरेको भएपनि समितिले त्यसलाई तोडमोड गरि पारित गरेको उनको आरोप छ । डा. केसीले यसअघि भएका सहमति कायान्वयन गर्न सातै प्रदेशमा मेडिकल कलेज खोल्न कामलाई तिब्रता दिन, कर्णालीमा एमविवीएस भर्ना लिने वातावरण मिलाउन, बालिका निर्मला पन्तको हत्यारा पक्राउ गर्न लगायतको ६ बुँदे माग राख्दै इलाम पुगेर अनसन सुरु गरेका हुन् ।

यता सरकारले भने डा. केसीको मागसहितको विधेयक पारित भईसकेको दावी गरेको छ । डा. केसीको ९५ प्रतिशत माग सम्बोधन भएको भन्दै उत्सव मनाउने बेला डा. केसीले अनसन सुरु गरेको बताएको छ ।