चर्चित गायक रामकृष्ण ढकालसँग भाइरल मेनुका पौडेलको पहिलो गीत सार्वजनिक

२९ पुष २०७५, काठमाडौँ

सा रे ग म पा गएर आफ्नो छाप सबैतिर बनाइसकेकी मेनुका पौडेल यतिबेला काठमाडौँमा नै छिन् । उनी सा रे ग म पा को उत्कृष्ट ११ बाट बाहिरिएकी थिइन् । तर उनले छोटो समयमा नै सबैको मन जित्न सफल भइन् । नेपालमा त उनी लोकप्रिय थिइन् नै उनले भारतमा पनि आफूलाई परिचित बनाएर आइन् । उनलाई धेरैले नेपाल आइडल सिजन १ बाट चिन्न थालेका हुन् ।

यतिबेला मेनुकाको चर्चा र खोजी धेरै भैरहेको छ । यस्तैमा उनको नयाँ गीत सार्वजनिक भएको छ । उनले पहिलो पटक नेपालका निकै चर्चित गायक रामकृष्ण ढकालसँग गीत रेकर्ड गराएकी हुन् । बिबि थापाको शब्द र दिपक सिलकालको संगीत रहेको भेदको अक्षर बोलको गीतमा पहिलो पटक रामकृष्ण र मेनुकाले एकसाथ आवाज दिएका छन् । निकै राम्रो गीतको भिडियो भने सार्वजनिक गरिएको छैन ।