२९ पौष २०७५, काठमाडौं
भारतीय क्रिकेटरद्वय हार्दीक र केएल राहुललाई टिमबाट निलम्बित गरिएको छ । उनीहरुलाई महिलामाथि आपत्तिजनक टिप्पणी लेखेका भन्दै टोलीबाट निकालिएको हो ।
सो निर्णयसँगै उनीहरुले हिजो अष्ट्रेलियाविरुद्ध भएको खेलमा खेल्न पाएका थिएनन् । उनीहरुलाई थप अनुसन्धानको समयसम्मको लागि भनी टोलीबाट निलम्बित गरिएको जनाईएको छ । ‘कफी विथ करण’ शोमा उनीहरुले महिलाविरोधि र ‘सेक्सिस्ट’ बताईएको र यसको चर्को आलोचनासमेत भएको थियो ।
त्यसलगत्तै उनीहरुमाथि बिबीसीआईले ‘कारण बताऊ’ नोटिस जारी गरेको थियो । त्यसपछि उनीहरुले प्रशासनिक समितिसँग माफी मागेका थिए ।
