अब वरुण धवनसँग जोडिको रुपमा देखिँदै सैफकी छोरी सारा अलीखान

२९ पुष २०७५, काठमाडौँ

सारा अलीखान अहिले बलिउडमा निकै सम्भावना देखिएकी नायिका हुन् । उनले आफ्नो पहिलो चलचित्र केदारनाथ बाट नै निकै सफलता पाउन सफल भइन् । त्यसका साथै रणवीर सिंहसँग आएको उनको चलचित्र सिम्बा पनि निकै सफल भयो । जसका कारण अहिले सारा धेरैको नजरमा पर्न सफल भइन् । उनी स्टारकिड भएका कारण पनि उनलाई चलचित्र क्षेत्रमा छिटो सफलता मिलेको हो ।

अब सारा अलीखान पुरानो सुपरहिट चलचित्र कुल्ली नम्बर वान चलचित्रको रिमेकमा देखिने भएकी छिन् । यस चलचित्रमा उनी अहिले बलिउडमा निकै चर्चित र डिमाण्डेड एकटर वरुण धवनसँग देखिने भएकी छिन् । पुरानो चलचित्रमा गोविन्दा र करिश्मा कपुरको जोडी बाधिएको थियो । यसको रिमेकमा भने वरुण र साराले काम गर्ने पक्का भएको छ । तर यसपटक चलचित्रमा केहि कुराहरु फरक हुने र नयाँ तरिकाले चलचित्रलाई पर्दामा प्रस्तुती गरिने बताइएको छ ।