सुदुरपश्चिम महोत्सवमा भव्यसँग यसरी गरियो रवि ओडको सम्मान

३० पुष २०७५, काठमाडौँ

नेपाल आइडल सिजन २ को उपाधी जितेसँगै अहिले बजारम रवि ओडको निकै चर्चा छ । उनी अहिले विभिन्न ठाउँका कार्यक्रममा व्यस्त छन् । आफ्नो पहिलो अन्तराष्ट्रिय भ्रमण जापानमा सांस्कृतिक कार्यक्रम सकेर उनी केहि समयअघि नेपाल आएका हुन् । उनले नेपाल आएर आफ्नो गृहजिल्लामा विद्यालय निर्माणका लागि आर्थिक सहयोग पनि गरेका थिए ।

उनी नेपाल आइडल जितेपछि पहिलो पटक आफ्नो जिल्लामा सार्वजनिक रुपमा भएको कार्यक्रममा पुगेका छन् । धनगढीवासीको अत्याधिक माया पाएर नै उनले उपाधी जितेका थिए ।

उनलाई धनगढीमा भएको सुदुरपश्चिम महोत्सवमा निकै भव्यसँग स्वागत गरियो । रविलाई हेर्नको लागि त्यहाँ हजारौँ दर्शक उपस्थित भएका थिए । रविलाई उक्त कार्यक्रममा निकै सम्मान गरिएको थियो । रविले पनि आफूलाई विजयी बनाउन सहयोग गर्ने सबैलाई धन्यवाद दिए ।