बलिउड स्वर्गीय अभिनेत्री श्रीदेवीको जीवनीमा आधारित चलचित्र बन्यो

१ माघ २०७५, काठमाडौँ

स्वर्गीय अभिनेत्री श्रीदेवी बलिउडकी गहना थिइन् । उनले लामो समयसम्म बलिउडमा राज गरेकी थिइन् । सबैकी प्यारी श्रीदेवीले केहि समयअघि संसार छोडेकी थिइन् । उनको असामयिक निधनले पुरा बलिउड नै स्तब्ध भएको थियो । अहिले उनका छोरीहरु बलिउडमा जम्ने तरखरमा रहेका छन् ।

हालैमात्र श्रीदेवीको बारेमा एक नयाँ कुराको खुलासा भएको छ । उनको जीवनीमा आधारित चलचित्र निर्माण भएको छ । चलचित्रमा साउद एक्ट्रेसले श्रीदेवीको भूमिका निर्वाह गरेकी छिन् । तर यो चलचित्र पुरै श्रीदेवीको जीवनीमा आधारित हो वा होइन त्यो कुराको भने जानकारी आएकोे छैन ।

भर्खरै मात्र चलचित्रको टिजर सार्वजनिक भएको छ । सार्वजनिक टिजरमा श्रीदेवीको फिल्म करियरका केहि झलक र अन्त्यमा मृत्युसम्मको कथालाई देखाइएको छ । यस चलचित्रकी नायिकाले यो चलचित्र श्रीदेवीको जीवनीमा आधारित हो वा होइन जान्नको लागि चलचित्र हेर्नुपर्ने बताएकी छिन् ।