निर्मला पन्तको हत्या प्रकरणमा बन्यो चलचित्र ‘कोपिला’

१ माघ २०७५, काठमाडौँ

निर्मला पन्तको करिब ६ महिना अगाडी बलत्कार पछि हत्या गरिएको थियो । मात्र १३ बर्षकी बालिका निर्मला पन्तको उनको गृहजिल्ला कन्चनपुरमा हत्या गरिएको थियो । तर उनको मृत्यु भएको यतिधेरै समय बितिसक्दा पनि अहिलेसम्म अपराधी अगाडी आउन सकेको छैन । निर्मलाको केश न त सकिएको छ न त सुल्झिएको नै । उनको जीवनमा आधारित चलचित्र भने निर्माण भैसकेको छ ।

चर्चित निर्देशक शिवम अधिकारीले निर्मलाको हत्या प्रकरणमा आधारित चलचित्र कोपिला निर्माण गरेका छन् । करिब १ महिनाको मेहेनतपछि चलचित्रको छायांकन सकिएको छ । चलचित्र कोपिला ८० लाखमा निर्माण गरिएको छ । चलचित्रमा निर्मलाको बलत्कारपछि  हत्या भएको कथादेखि त्यसपछि त्यसले समाजमा गरेको असरसम्मको कथालाई चलचित्रमा प्रस्तुत गरिएको चलचित्रका निर्देशकले बताएका छन् । चलचित्रमा निर्मलाको भूमिका सञ्जिवनी खरेलले निभाएकी छिन् ।