०२ माघ २०७५, काठमाडौँ
नेपाल पेसापालो संघको आयोजनामा दोश्रो पेसापालो राष्ट्रिय च्याम्पियनशिप प्रतियोयगिता बूढानीलकण्ठ नगरपालिका वडा नं १० को ह्याण्बल चौरमा हुने भएको छ ।
आउँदो माघ ४ र ५ गते हुने आयोजना हुने प्रतियोगितामा काठमाडौं लगायत झापा, रामेछाप र वर्दियाका ६ टीम सहभागी हुने कार्यक्रम संयोजक सरोज धितालले पत्रकार सम्मेलन मार्फत जानकारी दिएका छन् ।
च्याम्पियनशिप तयारीको लागि यहि माघ २ र ३ गते शंखरापुर नगरपालिका, जहरसिंहपौवा, भोटेचौरलगायतका ठाउँहरुमा नेपालका १८ जना खेलाडीहरुले राष्ट्रिय कोच तथा अम्पायरिङ तालिम लिने भएका छन् ।
यस तालिममा बङ्गलादेशका ३ जना खेलाडीहरुको समेत सहभागिता रहन जनाईएको छ । उक्त प्रशिक्षणमा सहभागीहरुलाई अन्तर्राष्ट्रिय कोच जुहा एन्टिकेनेनले प्रशिक्षण दिने आयोजकले बताएको छ ।
सन् २०१९ मा भारतमा आयोजना हुने पेसापालो वर्ल्ड कपमा नेपाली टिमले समेत सहभागिता जनाउने प्रेस विज्ञप्तिमा जनाईएको छ ।
