०२ माघ २०७५, काठमाडौं
थाइल्याण्डमा जारी महिला टी–२० स्म्यास क्रिकेटमा नेपाल समूह विजेता बन्दै सेमिफाइनलमा प्रवेश गरेको छ ।
आज भएको खेलमा नेपालले आयोजक थाइल्याण्ड ‘ए’ लाई ९ विकेटले हराउँदै समूह विजेताका रूपमा सेमिफाइनल पुगेको हो । बैंककमा भएको खेलमा थाइल्याण्ड ले दिएको २० रनको झिनो लक्ष्य नेपालले ३ ओभर ३ बलमा एक विकेट खर्चेर भेट्टायो । यसअघि टस जितेर पहिले ब्याटिङ गरेको थाइल्याण्ड ए ले १५ .४ बलमा अलआउट भएर १९ रन बनायो ।
थाइल्याण्डलाई सस्तैमा समेट्न नेपालकी आरती बिडारीले ३ विकेट लिइन्। नेपालले यसअघि खेलेका खेलमा चीनलाई १० विकेट हराएको थियो भने मलेसिया र युएईलाई समान ६ विकेटले पराजित गरेको थियो।
