०३ माघ २०७५, काठमाडौं
अन्तर्राष्ट्रिय बडिबिल्डिङका हस्ती रोली विङ्कलार नेपाल आउने भएका छन् । ‘द विस्ट’ को उपनामले प्रख्यात रोलीलाई ‘आइएफबिबि लिग नेपाल’ ले फागुनको पहिलो साता नेपाल ल्याउन लागेको बताईएको छ ।
‘आइएफबिबि लिग नेपाल’ ले फागुन ३–४ मा कमलादीस्थित प्रज्ञा प्रतिष्ठानको हलमा ‘आइएफबिबि प्रोफेसन लिग नेपाल बडिबिल्डिङ च्याम्पियनसिप–२०१९ (प्रो क्वालिफायर) को आयोजना गर्दैछ ।
यो प्रतियोगिता नेपाली खेल इतिहासकै ठूलो प्रतियोगिता मध्ये एक मानिएको छ । यही प्रतियोगितामा ‘गेष्ट पोजर’ को रुपमा विङ्कलार नेपाल आउन लागेका हुन् । उनको हातको पाखुरा मात्र २४ इन्चीको छ ।
प्रतियोगितामा विश्वका थुप्रै स्टार बडिबिल्डर नेपाल आउने पत्रकार सम्मेलनमा जानकारी दिईएको छ ।
