०३ माघ २०७५, काठमाडौं
थाइल्याण्डमा भइरहेको टी–२० महिला क्रिकेटमा नेपालले सेमिफाइनलमा इन्डोनेसियासँग खेल्ने भएको छ । समूह ‘ए’ मा चार वटै खेल जितेर समूह विजेता बनेको नेपालले समूह ‘बि’ को उपविजेता इन्डोनेसियासँग खेल्न लागेको हो ।
नेपालले समूह चरणमा चीनलाई १० विकेटले, मलेसियालाई ६ विकेटले, युएईलाई ६ विकेटले र थाइल्याणण्ड ए लाई ९ विकेटले पराजित गर्दै आएको नेपालले शुक्रबार भने इन्डोनेसियासँग खेल्न लागेको हो ।
उता समूह ‘बि’ मा आयोजक थाइल्याण्डको सिनियर टिम सबै चार खेल जित्दै समूह विजेता बन्दा थाइल्याण्डसँग हारेको इन्डोनेसिया समूह उपविजेता बनेको थियो ।
