०९ माघ २०७५, काठमाडौं
द एक्सेल्सियर स्कुलको आयोजनामा सातौं एक्सेल्सियर कप बुधबार (आज) देखि सुरु हुने भएको छ । सो जानकारी मंगलबार पत्रकार सम्मेलन गर्दै गरिएको हो ।
फुटसलमा यु–१२ र यु–१६ उमेरसमूहमा प्रतिस्पर्धा हुनेछ । फाइभ ए साइडको स्वरुपमा हुने दुवै उमेरसमूहको फुटसलमा समान १६–१६ टिमको सहभागिता रहने छ । यु–१२ मा राजश्री गुरुकुल र यु–१६ मा माउन्ट ग्लोरी डिफेन्डिङ च्याम्पियन हुन् । बास्केटबलतर्फ सिनियर ब्वाइजमा १२, जुनियर ब्वाइजमा १३ र गल्र्समा १२ टिमको सहभागिता निश्चित भएको आयोजकले जनाएको छ ।
सिनियर ब्वाइजमा विल्सन एकेडेमी, जुनियर ब्वाइजमा सेब र गल्र्समा स्किब्स साविक विजेता हुन् । फुटसल र बास्केटबल दुवै लिग कम नकआउट आधारमा खेलाइने बताईएको छ ।
