युएईविरुद्ध टस हारेर पहिलो व्याटिङ गर्दै नेपाल

११ माघ २०७५, काठमाडौं

नेपाल र युएईविरुद्धको एक दिवसीय क्रिकेट श्रृंखला अन्तर्गत पहिलो खेल सुरु भएको छ । खेल केहीबेर अघि दुबईमा सुरु भएको खेल अहिले चलिरहेको छ ।

टस हारेपछि नेपालले सुरुवाती ब्याटिङ गरिरहेको छ । चिरपरिचित प्रतिद्वन्द्वी युएईसँग नेपालले अहिलेसम्म ५० ओभरका १५ वटा म्याच खेलेको छ । जसमा नेपालले तीन खेल जित्दा ११ खेल युएईले जितेको छ । एक खेल बराबरी भएको थियो ।

मंगलबार बेलुकी युएई पुगेको नेपाली टोलीले त्यहाँ दुई दिन अभ्यास गरेको छ । पारस खड्काको कप्तानीमा रहेको टोलीमा चार खेलाडीले पहिलोपटक स्थान बनाएका छन् भने अलराउण्डर शरद भेषावकर टिममा छैनन् । युएईसँग नेपालले ३ वटा एक दिवसीय र ३ खेलको टी–२० क्रिकेट श्रृंखला खेल्ने छ  ।