१२ माघ २०७५, काठमाडौं
पहिलो अन्तर्राष्ट्रिय महिला नेत्रहीन क्रिकेट सिरिज खेल्न नेपालको महिला नेत्रहीन क्रिकेट टोली आज पाकिस्तान प्रस्थान गरेको छ ।
पाकिस्तान नेत्रहीन क्रिकेट परिषद्को निमन्त्रणामा पाँच खेलको टि–२० सिरिजका लागि नेपाली टोली पाकिस्तान प्रस्थान गरेको हो । भगवती भट्टराई बरालको कप्तानीमा रहेको टोलीमा कूल १५ खेलाडी छन् । प्रशिक्षकमा रिजन प्रजु छन् ।
नेपालले पहिलो खेल यही माघ १५ गते लाहोरमा खेल्नेछ । दोस्रो खेल १७ गते र तेस्रो खेल १८ गते फैसलावादमा हुनेछ । चौंथो खेल माघ २० गते र पाँचौं खेल माघ २१ गते इस्लामावादमा हुनेछ ।
