१३ माघ २०७५, काठमाडौं
प्रधानमन्त्री केपी शर्मा ओलीले रोहितकुमार पौडेललाई शनिवार संयुक्त अरब इमिरेटसविरुद्दको खेलमा कायम गरेको दुर्लभ रेकर्ड को लागि बधाई दिएका छन् । पौडेल हिजोको खेलमा अन्तर्राष्ट्रिय क्रिकेटमा अर्ध–शतक बनाउने सबैभन्दा कम उमेरका युवा खेलाडी बनेका थिए ।
प्रधानमन्त्री ओलीले आफ्नो ट्वीटरमा, अन्तर्राष्ट्रिय क्रिकेटमा अर्धशतक बनाउने सबैभन्दा कम उमेरका खेलाडीको रेकर्ड कायम गर्न सफल भएकोमा रोहितकुमार पौडेललाई हार्दिक वधाई अन्तर्राष्ट्रिय क्रिकेट जगतमा नेपाली युवाले पाएको सय सफलताले राष्ट्रलाई अत्यन्त हर्षित बनाएको छ । लेखेका छन् ।
“अन्तर्राष्ट्रिय क्रिकेटमा अर्धशतक बनाउने सबैभन्दा कम उमेरका खेलाडीको रेकर्ड कायम गर्न सफल भएकोमा रोहितकुमार पौडेललाई हार्दिक वधाई १ अन्तर्राष्ट्रिय क्रिकेट जगतमा नेपाली युवाले पाएको सय सफलताले राष्ट्रलाई अत्यन्त हर्षित बनाएको छ ।”
खेलमा ५८ बलबाट ५५ रन बनाउने क्रममा उनले ७ चौका प्रहार गरेका थिए । यसभन्दा पहिला यो रेकर्ड भारतका प्रसिद्ध ब्याटस् म्यान सचिन तेन्दुलकरको नाममा थियो । सचिनले पाकिस्तानविरुद्धको टेष्ट खेलमा ५९ रन बनाउँदा उनी १६ वर्ष २१३ दिनका थिए । १६ वर्ष १४६ दिनको उमेरमा हिजो रोहितले ५५ रन बनाएर विश्व किर्तिमान बनाएका हुन् ।
