नेपालले टस जितेर फिल्डिङ रोज्दा जोराको डेब्यू

१४ माघ २०७५, काठमाडौं

यूएईविरुद्ध जारी तीन खेलको ओडीआई सिरिजको तेस्रो खेलमा नेपालले टस जितेर फिल्डीङ रोजेको छ । युवा ब्याट्सम्यान सन्दीप जोराले यूएईविरुद्ध आज हुने खेलमा नेपाली क्रिकेट राष्ट्रिय टोलीबाट डेब्यु गर्ने भएका छन् ।

तीन खेलको ओडीआई सिरिज अन्तर्गत निर्णायक खेलमा सन्दीपले राष्ट्रिय टोलीका लागि पहिलोपटक खेल्ने भएका हुन् । यससँगै सन्दीप नेपालको लागि ओडीआई खेल्ने १९ औं खेलाडी भएका छन् ।

जारी सिरिजको पहिलो खेलमा विनोद भण्डारी, पवन सर्राफ र ललित नारायण राजवंशीले डेब्यु गरेका थिए । दोस्रो खेलमा टोलीमा कुनै खेलाडीले डेब्यु गरेनन् । तेस्रो खेलमा पवन सर्राफको स्थानमा सन्दीप जोरा टोलीमा अटाएका हुन् ।