१४ माघ २०७५, काठमाडौं
चर्चित दुई ए डिभिजन टोली थ्री स्टार र त्रिभुवन आर्मी फेरी एकअर्कोविरुद्ध मैदान उत्रँदै छन् । थ्री स्टार सिमरा गोल्डकप फुटबल प्रतियोगिताको फाइनल खेलेको दुई दिनपछि सोमबार (आज) यी दुई टोली मदन भण्डारी स्मृति इटहरी गोल्डकपको क्वार्टरफाइनलमा प्रतिस्पर्धा गर्ने भएका हुन् ।
थ्री स्टारले वर्षको सुरुवातमा माइभ्याली गोल्डकप र उदयपुर गोल्ड कप जितेको थियो । सिमरा पुग्नुअघि भने थ्री स्टार सुदूरपश्चिम खप्तड गोल्ड कपको फाइनलमा नेपाल पुलिस क्लबसँग पराजित भएको थियो । शनिबार भएको सिमरा गोल्डकपको फाइनलको निर्धारित समय गोलरहित बराबरीमा टुंगिएपछि खेल टाइब्रेकरमा गएको थियो ।
टाइब्रेकरको ५/५ पेनाल्टीमा ४/४ को बराबरीपछि खेल सडन डेथमा पुगेको थियो । जसमा थप ४/४ पेनाल्टी हन्दा अन्तमा थ्री स्टार ७/६ ले विजयी भएको थियो ।
