१४ माघ २०७५, काठमाडौं
मदन भण्डारी स्मृति गोल्डकप फुटबलको अन्तिम क्वार्टरफाइनलमा मंगलबार नेपाल पुलिस र सिएफसी भुटानबीच प्रतिस्पर्धाहुने भएको छ ।
खेल दिउँसो ३ बजे इटहरी रंगशालामा हुनेछ । मंगलबारको नतिजासँगै प्रतियोगिताको सेमिफाइनल समीकरण पूरा हुनेछ । यसअघि मनाङ मर्स्याङ्दी, मेची नेत्रालय काकरभिट्टा फुटबल ट्रेनिङ सेन्टर र त्रिभुवन आर्मी क्लबले सेमिफाइनलमा स्थान सुरक्षित गरिसकेका छन् ।
हिजो भएको खेलमा आर्मीले थ्रीस्टारलाई टाइब्रकेरमा ३–१ ले हराउँदै अन्तिम चारमा स्थान सुरक्षित गरेको थियो ।
