नेपाल र यूएईबीचको पहिलो टी–२० आज हुँदै

१७ माघ २०७५, काठमाडौं

नेपाल र यूएईबीचको पहिलो टी–२० क्रिकेट आज दिउँसो हुने भएको छ । खेल नेपाली समयअनुसार दिउँसो २ः४५ बजे हुने जनाईएको छ ।

यूएईविरुद्धको तीन एकदिवसीय श्रृंखला २–१ ले जितेको नेपाल तीन खेलको टी–२० श्रृंखला पनि जित्ने दाउमा छ । सन् २०१४ मा टी–२० विश्वकपमा प्रतिस्पर्धा गरिसकेको नेपालले अहिलेसम्म अन्तर्राष्ट्रिय टी–२० श्रृंखला जित्न सकेको छैन ।

यसअघि नेदरल्याण्ड्स र हङकङसँग खेलेको अन्तर्राष्ट्रिय टी–२० श्रृंखला नेपालले गुमाएको थियो। यो श्रृंखला जित्नसके नेपाली क्रिकेट टिमका लागि थप उपलब्धि हुनेछ।