यूएईले दियो नेपालाई १५४ रनको चूनौती

१७ माघ २०७५, काठमाडौं

नेपाललाई यूएईले १५४ रनको चूनौती दिएको छ । दुबईस्थित अन्तर्राष्ट्रिय क्रिकेट परिषद् (आईसीसी) ओभल मैदानमा भएको खेलमा यूएईले नेपाललाई यो चूनौती दिएको हो ।

टस हारेर पहिलो ब्याटिङ गरेको युएईले निर्धारित २० ओभरमा ६ विकेट गुमाउँदै १५३ रन बनायो । उसका लागि सैमन अनवारले आक्रामक पारी खेले । पाँचौँ विकेटका रुपमा अभिनाश बोहराको बलमा बोल्ड हुनुअघि उनले ३८ बलमा ५९ रनको महत्वपूर्ण पारी खेले । उनले ३६ बलमा अर्धशतक पूरा गरे । उनले ५ चौका र २ छक्का ठोके ।

सन्दीपको बलमा युएईका अष्फाक अहमद दुई रनमा आउट भए । २ विकेट लिँदा ४ ओभरमा सन्दीपले २५ रन खर्चिए । करण केसी महंगो साबित भए । चार ओभरमा ४३ रन खर्चिँदा उनले कुनै पनि विकेट लिन सकेनन् भने वसन्त रेग्मीले ४ ओभरमा २३ रन खर्चिए । नेपालले केहीबेरमा जवाफी ब्याटिङ गर्दैछ ।