१७ माघ २०७५, काठमाडौं
हात्तीगौंडा स्थित नेसनल युनाइटेड स्कुलमा यही मिति २०७५ माघ १६ गते बुधबार “सँगै उत्कृष्टता हासिल गरौं” भन्ने मुल नाराका साथ सुरु भएको अतिरिक्त क्रियाकलाप तथा खेलकुद कार्यक्रम २०१९ दोस्रो दिन पनि जारी रहेको छ ।
हरेक वर्ष सहिद दिवसको अवसर पारेर आयोजना गरिँदै आएको कार्यक्रमको दोस्रो दिन फुटसल, ब्याडमिन्टन, बास्केटबल, बुद्धिचाल, कराते, टग अफ वार लगायत १६ वटा स्पर्धाका विभिन्न चरणका खेलहरु सम्पन्न भएका छन् ।
दोस्रो दिन सम्पन्न बास्केटबल तर्फको जुनियर ब्वाइजको फाइनलमा रेड हाउसले यल्लो हाउसलाई २५-१० ले पराजित गर्दा जुनियर गर्ल्सतर्फ रेड हाउसले नै यल्लो हाउसलाई २१-१० को स्कोरले पराजित गर्न सफल भयो । त्यसैगरी फुटसल तर्फ सम्पन्न सिनियर ब्वाइजको फाइनलमा यल्लो हाउसले रेड हाउसलाई पराजित गर्याे भने गर्ल्सतर्फ ब्लू हाउसले ग्रिन हाउसलाई हराउन सफल भयो । जुनियर तर्फ आ-आफ्ना प्रतिस्पर्धीलाई पराजित गर्दै रेड हाउसको ब्वाइज तथा गर्ल्सको दुवै टिम विजेता बन्न सफल रहे ।
कार्यक्रममा रोड रेस लगायत बाँकी रहेका स्पर्धाहरु यहि माघ १८ गते शुक्रबार सम्पन्न हुने छन् भने विजेताहरुलाई प्रमाणपत्र, मेडल तथा ट्रफीद्धारा पुरस्कृत गरिने आयोजक विद्यालयले जनाएको छ ।
