१९ माघ २०७५, काठमाडौं
कोपा डेल रेको सेमिफाइनलमा दुई स्पेनी स्टार रियल मड्रिड र बार्सिलोनाबीच प्रतिस्पर्धा हुने भएको छ । शुक्रबार भएको ड्र अनुसार यी दुई टोलीबीचको भिडन्त तय भएको हो ।
त्यस्तै अर्को सेमिफाइनल भने भ्यालेन्सिया र रियल बेटिसबीच हुने भएको छ । स्पेनिस कोपा डेल रे फुटबलको सेमिफाइनलमा दुई चिर प्रतिद्वन्द्वी क्याटलान क्लब बार्सिलोना र स्पेनिस महारथी रियल मड्रिडबीच प्रतिस्पर्धा हुने भएको छ ।
बार्सिलोनाले सेभियालाई पराजित गर्दै सेमिफाइनल प्रवेश गरेको थियो भने जिरोनालाई पराजित गर्दै रियल मड्रिड अन्तिम चारमा पुगेको थियो ।
