२० माघ २०७५, काठमाडौं
युएई भ्रमणमा रहेको नेपाली राष्ट्रिय टोलीले आइतबार २०–२० अन्तर्राष्ट्रिय शृङ्खला अन्तर्गत युएईसँग अन्तिम खेलमा प्रतिस्पर्धा गर्ने भएको छ ।
तीन खेलको दिवसीय र तीन खेलकै २०–२० शृङ्खलाका लागि युएई पुगेको नेपाली टोलीले एक दिवसीय शृङ्खला आफ्नो पक्षमा पार्न सकेको छ । २०–२० शृङ्खलामा १–१ को बराबरीमा छ । पहिलो खेल पराजित भएको नेपालले दोस्रो खेलमा जित निकालेको हो । आइतबार हुने अन्तिम खेल शृङ्खलाका लागि निर्णायक छ ।
दुबईस्थित आइसिसी ग्लोबल क्रिकेट एकेडेमी मैदानमा आइतबार दिउँसो हुने खेल नेपालले जित्नसके पहिलो २०–२० अन्तर्राष्ट्रिय उपाधि जित्ने छ । सोही मैदानमा नेपालले ऐ्तिहासिक एकदिवसीय शृङ्खला जितेको थियो । राम्रो लयमा देखिएको नेपाली टोलीलाई २०–२० शृङ्खला पनि जित्दै इतिहास बनाउने मौका छ ।
