२१ माघ २०७५, काठमाडौं
युएई टुरमा रहेको राष्ट्रिय क्रिकेट टोली आज स्वदेश फर्कने भएको छ ।
युएईविरुद्धका एक दिवसीय र टी– २० दुबै सिरिज जितेको नेपाली क्रिकेट टोली आज स्वदेश फिर्ता हुन लागेको हो । नेपालले युएईविरुद्धको तीन खेलको ओडिआई सिरिज २–१ र टी २० सिरिज पनि २/१ ले नै जितेको थियो।
दुबै सिरिजमा नेपालले पहिलो खेल हारेर पनि उत्कृष्ट पुनरागमन गर्दै बाँकी दुई खेल जित्तै सिरिज जितेको हो । ओडिआई सिरिजमा कप्तान पारस खड्का ‘म्यान अफ दि सिरिज’ घोषित भएका थिए भने टी २० मा फास्ट बलर अभिनाश बोहरा ‘म्यान अफ दि सिरिज’ बने ।
नेपालले दुबै फर्म्याटमा सिरिज जितेको पहिलोपटक हो । नेपाली टोली दिउँसो ३ बजे त्रिभुवन अन्तराष्ट्रिय विमानस्थलमा अवतरण हुने बताईएको छ ।
सन्दीप यूएइबाटै अष्ट्रेलिया जाने !
नेपाली लेग स्पेनर सन्दीप लामिछाने भने, नेपाल नफर्किनै त्यहिँबाटै अष्ट्रेलिया जाने भएका छन् । टी– सिरिजमा उत्कृष्ट प्रदर्शन गरेका उनी यूएईबाटै अष्ट्रेलिया जाने भएका हुन् ।
