२१ माघ २०७५, काठमाडौं
नेपाली क्रिकेटमा इतिहाँस रचेर नेपाल फर्किएका नेपाली क्रिकेट टोलीलाई भव्य स्वागत गरिएको छ ।
घरेलु टोली यूएईलाई १४ रनले पराजित गरि स्वदेश फर्किएका नेपाली टोलीलाई आज अन्तराष्ट्रिय त्रिभुवन विमानस्थलमा स्वागत गरिएको हो ।
नेपाली क्रिकेटको इतिहाँसमा नयाँ आयाम थप्ने सफल नेपाली क्रिकेट टोलीलाई स्वागत गर्न राखेप उपाध्यक्ष पिताम्बर तिम्सिना, राष्ट्रियसभाका अध्यक्ष गणेश तिमल्सिना, उपप्रधान एवं रक्षामन्त्री ईश्वर पोखरेल, खेलकूदमन्त्री जगत बहादुर विश्वकर्मा तथा अन्य समर्थकहरुविमानस्थल पुगेका थिए ।
नेपाली राष्ट्रिय टोलीका एक क्रिकेट योद्धा सन्दीप लामिछाने भने खेलकै शिलशिलामा अष्ट्रेलिया गएका छन् । उनले त्यहाँ बिबीएल खेल्नेछन् ।
