डान्स प्लस को फस्ट रनरअप भएर खुसी हुँदै नेपाल फर्के सुजन, अब वर्ल्ड डान्समा भिड्ने तयारीमा

२२ माघ २०७५, काठमाडौँ

भारतको चर्चित रियालिटी शो डान्स प्लस सिजन ४ गएका सुजन मार्पा तामाङ डान्स प्लस सिजन ४ को फस्ट रनरअप बन्न सफल भएका छन् । यो भन्दा अगाडी पनि डान्स इन्डिया डान्स मा गएर टप ६ मा पर्न सफल सुजन डान्स प्लस मा फस्ट रनरअप बन्न सफल भएका छन् ।

डान्स प्लस को यात्रा सकेर भर्खरै मात्र सुजन नेपाल आएका छन् । विमानस्थलमा उनलाई हेर्नको लागि मान्छेको थामी नसक्नु भीड रहेको थियो । सुजनले आफूले डान्स प्लस मा निकै नै मेहेनत गरेको बताए । उनले आफ्नो त्यहि मेहेनत र नेपाली जनताको मायाका कारण आफू फस्ट रनरअप बन्न सफल भएको बताए ।

सुजन अब चाडैँ नै वल्र्ड डान्स कम्पिटिसन का लागि पनि जादैँछन् । उनले अब आफूले अझै धेरै मेहेनत गरेर विश्वमा आफ्नो देशको नाम राख्ने पनि बताएका छन् । साथै सुजनले आफूलाई भोट गर्ने सम्पूर्ण नेपाली जनतालाई धन्यवाद पनि दिए ।