२२ माघ २०७५, काठमाडौँ
केहिदिन अगाडी मात्र अनमोल केसीको बहुप्रतिक्षित चलचित्र क्याप्टेन को ट्रेलर रिलिज भएको थियो । ट्रेलरलाई अहिले युट्युबमा निकै रुचाइएको छ । चलचित्रको एक गीत रहर छ संगै ले पनि दर्शकले मन जितिरहेको छ ।
अहिले भने अनमोल क्याप्टेन चलचित्रको एक गीतको छायांकनमा व्यस्त छन् । लोक शैलीको गीतमा अनमोल निरुता सिंह र आफ्नै बाबु भुवन केसीसँग नाचिरहेका छन् । चलचित्रको उक्त गीतको छायांकनका लागि नै निरुता केहिदिन अघि मुम्बईबाट नेपाल आएकी हुन् ।
अहिले ललितपुरको एक होटलमा उक्त गीतको धमाधम छायांकन भैरहेको छ । चलचित्र निर्माण टिमले चलचित्रका केहि तस्बिर सार्वजनिक गरेको छ । जहाँ निरुता र भुवनसँग अनमोलको गज्जबको केमेष्ट्रि देखिएको छ । केहिदिनमै उक्त गीत सार्वजनिक गर्ने भुवन केसीले बताएका छन् ।
