स्पेनिस कोपा डेल रे : बार्सिलोना र मड्रिडबीच भिडन्त

२३ माघ २०७५, काठमाडौं

स्पेनिस कोपा डेल रे फुटबलमा आज सेमिफाइनलअन्तर्गत पहिलो लेगको खेलमा बहुचर्चित इएल क्लासिको भिडन्त हुने भएको छ । स्पेनका दुई ठूला क्लब रियल मड्रिड र बार्सिलोना भिड्ने इएल क्लासिको विश्वमै सबैभन्दा बढी हेरिने क्लब फुटबल प्रतियोगितामा पर्छ ।

यसपटक कोपामा रियल र बार्सिलोना सेमिफाइनलमै भेट भएका हुन् । यसअघि यी दुई टोली सन् २०१४ मा फाइनलमा भेटेका थिए । जहाँ उपाधी भिडन्तमा रियलले बार्सिलोनालाई हराएर उपाधी जितेको थियो ।

त्यसयता रियल र बार्सिलोनाको पहिलोपटक कोपामा भेट भएको हो । तर, यसपटक उनीहरू फाइनलमा नभएर सेमिफाइनलमै भिड्ने भएका हुन् । आज हुने यो खेल दुवै टोलीका लागि ज्यादै महत्त्वपूर्ण हुनेछ ।