बलिउड नायिका अनुष्का शर्माले भेटिन् आफूजस्तै देखिने अर्की महिला

२४ माघ २०७५, काठमाडौँ

भनिन्छ संसारमा एउटै अनुहार भएका ७ जना मानिसहरु भेटिन्छन् रे । तीमध्ये निकै कम मानिसले मात्र आफ्नो जस्तो अनुहार भएको मानिसलाई भटाउँछन् । त्यस्तै बलिउड नायिका अनुष्का शर्माले पनि हुबहु आफूजस्तै देखिने एक महिलालाई भेटेकी छिन् ।

अहिले उनको यो विषय सामजिक सञ्जालमा निकै भाइरल भैरहेको छ । अमेरिकाकी गायिका जूलिया माइकल्स दुरुस्तै अनुष्का शर्माजस्ती देखिन्छिन् । जूलियाले स्यवम् अनुष्का र आफ्नो तस्बिर सामाजिक सञ्जालमा सेयर गर्दै अनुष्का र म जुम्ल्याहा भनेर लेखेकी छिन् ।

अनुष्काले पनि उक्त तस्बिर आफू सेयर गर्दै अब म जस्तै देखिने अरु ५ जना कहाँ होलान् भनेर स्टाटस लेखेकी छिन् । अहिले उनीहरुको उक्त तस्बिरलाई मानिसले निकै सेयर गरिरहेका छन् । साच्चैँ नै अनुष्का र जूलियालाई एकै ठाउँमा राख्दा मानिस झुक्किन्छन् ।