प्रदिपले अनमोल र म दाजुभाई भन्दा प्रदिपलाई धन्यवाद दिए अनमोलले, साथै ‘लब स्टेशन’ लाई दिए शुभकामना

२४ माघ २०७५, काठमाडौँ

नेपाली सिने वृतमा चर्चित अभिनेता अनमोल केसी र प्रदिप खड्काबीच कडा प्रतिस्पर्धा भएको चर्चा चल्ने गर्छ । तर यी दुवै नायकले आफूहरुबीच कुनैपनि प्रतिस्पर्धाको भावना नरहेको बताएका छन् ।

केहिदिन अघिमात्र चलचित्र क्याप्टेन को अफिसियल ट्रेलर सार्वजनिक भएको थियो । उक्त ट्रेलर आफ्नो आधिकारीक फेसबुकमा सेयर गर्दै प्रदिपले अनमोल र आफू अब एकअर्काको साथी मात्र नभएर दाजुभाई समेत भएको बताएका थिए । साथै उनले नेपाली चलचित्रमा दर्शकको यतिधेरै माया आउनुलाई पनि निकै राम्रो कुरा भएको बताउँदै दर्शकललाई धन्यवाद समेत दिएका थिए ।

प्रदिपको उक्त स्टाटसमा अनमोलले रिप्लाई दिएका छन् । उनले धेरै धन्यवाद प्रदिप र लब स्टेशन का लागि पनि शुभकामना भनेका छन् । उनीहरुको यस्तो स्टाटस हेर्दा यी दुई अभिनेताबीच साच्चै नै प्रतिस्पर्धाको भावना नरहेको स्पष्ट हुन्छ ।