बलिउड अभिनेता अक्षय कुमारको घरमा जबरजस्ती छिर्न खोज्ने युवक भए पक्राउ

२४ माघ २०७५, काठमाडौँ

अभिनेता अक्षय कुमार बलिउडमा निकै नाम चलेका नायक हुन् । उनी बलिउडमा आएको धेरै बर्ष भैसकेको छ । उनले बलिउडमा थुप्रै हिट चलचित्र दिएका पनि छन् । उनको फ्यान फलोइङ पनि निकै लोभ लाग्दो रहेको छ ।

हालैमात्र अक्षय कुमारको एक कुरा सोसल मिडियामा निकै भाइरल भैरहेको छ । मध्यरातमा अक्षयको घरमा जबरजस्ती पस्न खोज्ने चोर पक्राउ भएका छन् । वास्तवमा उनी एक चोर नभएर अक्षयका निकै ठूला फ्यान दिए ।

हरियाणामा बस्ने अकिंत गोस्वामी अक्षय कुमारलाई भेट्न चाहन्थे र त्यही कारणले उनी मुम्बई आएका थिए । उनी अक्षयका ठूला प्रशंसक भएकाले उनले गुगलमार्फत् अक्षयको घर पत्ता लगाएर उनलाई भेट्न आएका थिए । तर त्यहिँ बेला घरका सुरक्षा गार्डले ती युवकलाई समाते । अहिले ती युवक पुलिसको हिरासतमा रहेका छन् ।