कोरियामा नेपाल आइडलकी निलिमा थापा मगरको यस्तो धमाकेदार प्रस्तुती (भिडियो)

२४ माघ २०७५, काठमाडौँ

निलिमा थापा मगर नेपाल आइडलबाट दर्शकको अत्याधिक माया पाउन सफल प्रतियोगी हुन् । पोखराबाट अडिसन दिएकी निलिमाले जर्जहरुबाट गोल्डेन माइक पाउँदै सिधैँ गाला राउण्डमा पुगेकी थिइन् । त्यसपछि उनले आफ्नो धमाकेदार प्रस्तुतीले दर्शकको मन जित्दै उनी टप ७ सम्म पुग्न सफल भइन् ।

बीचमा निलिमा विरामी परेकाले उनी टप ७ बाट नै आउट भएकी हुन् । तर छोटो समयमा नै उनले दर्शकको अत्याधिक माया भने पाउन सफल भइन् । निलिमालाई केहि समयअघि प्रस्तुतीका लागि कोरिया बोलाइएको थियो । कोरियामा भएको सांगितिक कार्यक्रममा निलिमाले आफ्नो बेजोड प्रस्तुती दिएकी छिन् ।

कोरियामा उनले आफ्नो बेजोड प्रस्तुतीका कारण कोरियाको माहोल नै तताइदिएकी छिन् । निलिमाको प्रस्तुती हेर्न कोरियामा हजारौँ दर्शक उपस्थित भएका थिए । निलिमालाई त्यहाँ सम्मान पत्र पनि वितरण गरिएको थियो ।