२४ माघ २०७५, काठमाडौं
साबिक विजेता पेरिस सेन्ट–जर्मेन (पिएसजी) लाई कूप डू फ्रान्स फुटबलको अन्तिम १६ अन्तर्गतको खेलमा जितका लागि अतिरिक्त समयसम्म खेल्नु खेलेका छन् । तेस्रो डिभिजनको क्लबसँग खेल्नुपर्दा उसलाई अर्ड जस्तै भएको छ ।
कूप डू फ्रान्स अन्तर्गत बुधबार राति अवे मैदानमा भएको खेलमा पिएसजीले भिएलफ्रान्चलाई ३–० ले हराएर अघिल्लो चरणमा स्थान पक्का गरेको छ ।
निर्धारित समयमा पिएसजीले भिएलफ्रान्चलाई दबाबमा राख्यो तर गोलको अवसरलाई सदुपयोग भने गर्न सकेन । दुवै तर्फबाट गोल नभएपछि खेल अतिरिक्त समयमा धकेलियो ।
थप गरिएको समयमा भने पिएसजीले तीन गोल गर्न सफल भयो । उसका लागि १०२ औँ मिनेटमा ड्रेक्सलर, ११३ औँ मिनेटमा डिएबी तथा ११९ औँ मिनेटमा एडिन्सन काभानीले गोल गरे ।
