२५ माघ २०७५, काठमाडौँ
कुवेतबाट एउटा अनौठो समाचार आएको छ । जुन समाचार पत्याउनलाई निकै कठिन पनि छ । कुवेतमा एक विवाहित जोडीले विवाह भएको ३ मिनेटभित्र डिभोर्स गरेका छन् । सुन्दा सबैलाई अचम्म लाग्न सक्छ । तर यो वास्तविक घटना हो ।
हुन त आजभोली सम्बन्ध जोड्नु र तोड्नुलाई मानिसले निकै साधारण रुपमा हेर्न थालेका छन् । तरपनि यो कुवेतको इतिहासमै भएको पहिलो डिभोर्स हो । एक जोडीले न्यायधीसको अगाडी विवाह गरेको थियो ।
विवाह हुने बित्तिकै दुलाहाले दुलहीलाई मूर्ख भनेपछि तुरुन्त दुलहीले डिभोर्स गर्ने निर्णय लिएकी हुन् । उनले ती दुलाहाले आफूलाई हेपेको भन्ने सोचेर डिभोर्स गरेकी हुन् । उनलाई धेरैले समर्थन पनि गरे । विशेष उनलाई महिलाले साथ दिए ।