डिपीएलको ट्रफी सार्वजनिक, विजेताको पोल्टामा ३० लाख

२५ माघ २०७५, काठमाडौं

धनगढी प्रिमियर लिग डिपीएलको ट्रफी सार्वजनिक भएको छ । प्रतियोगिताका सद्भावना दूत जोन्टी रोड्स र धनगढी क्रिकेट एकेडेमीका अध्यक्ष सुवास शाहीले संयुक्त रूपमा प्रतियोगिताको ट्रफी सार्वजनीक गरेका हुन् ।

आगामी २६ माघबाट सुरु हुने खेल ११ फाल्गुनसम्म चल्ने छ । प्रतियोगितामा धनगढी स्टार्स, रुपेन्देही च्यालेन्जर्स, महेन्द्रनगर यूनाइटेड, सिवाइसी अत्तरिया, काठमाडौं गोल्डेन्स र विराटनगर किंग्स गरि ६ टोलीको सहभागिता रहने छ । उपाधि विजेताले ३० लाख रुपैयाँ हात पार्नेछ ।

त्यस्तै प्रतियोगीताको उपबिजेताले १२ लाख रुपैयाँ हात पार्नेछ । त्यसैगरि , तेस्रो हुनेले ४ लाख र चौथो हुने टोलीले २ लाख नगद पुरस्कार आयोजकले जनाएको छ । प्रतियोगिताको गोल्डस्टार मोस्ट भ्यालुएबल प्लेयरले सुनको जुत्ता पाउने छ ।, प्रत्येक खेलका ‘म्यान अफ द म्याच’लाई १५ हजार, ‘म्यान अफ द सीरिज’, वेस्ट ब्याट्सम्यान र बेस्ट बलरलाई समेत पुरस्कारको व्यवस्था गरिने आयोजकले जनाएको छ ।