२७ माघ २०७५, काठमाडौं
ईङ्लिस प्रिमियर लिग फुटबलमा आज एक रोमाञ्चक खेल हुँदैछ । जहाँ उपाधि दाबेदार दुई बलिया टोली म्यानचेस्टर सिटी र चेल्सी भिड्दैछन् । आजको खेल खेल्दा सिटीले २७औं खेल खेल्नेछ भने चेल्सीको भने २६ औं खेल हुनेछ ।
यो खेलका लागि सिटीले आज चेल्सीलाई आफ्नो घरेलु मैदानमा स्वागत गर्दैछ । यी दुई टोलीबीच यसअघि गत डिसेम्बर ८ मा भएको सिजनको पहिलो भेटमा चेल्सीले सिटीलाई आफ्नो घरमा २–० को हार चखाएको थियो ।
यता, चेल्सी आज अवे मैदानमा उत्रिँदा दबाबमा हुनेछ । ऊ हाल २५ खेलबाट ५० अंक बनाएर लिगको पाँचौं स्थानमा छ । ऊ एक खेल कम खेलेको अवस्थामा चौथो स्थानको म्यानचेस्टर युनाइटेडभन्दा १ अंकले पछि रहेर पाँचौं स्थानमा छ ।
आज लिगका दुई बलिया टोली सिटी र चेल्सीको भिडन्त निकै रोमाञ्चक हुनेछ । यो खेलबाट सिटी उपाधि दौडमा टक्कर दिन चाहन्छ भने चेल्सी तत्कालका लागि शीर्ष चारमा उक्लिन संघर्ष गर्नेछ ।
सिटी र चेल्सीको खेल नेपाली समयअनुसार आज राति ९ः४५ बजेबाट सिटीको घरमा सुरु हुनेछ । आजै अर्को खेलमा टोटनह्याम र लेस्टर सिटी पनि खेल्दैछन् । यो खेल राति ७ः१५ बजेबाट सुरु हुनेछ ।
