अष्ट्रेलियामा जारी बिग–बाश लिग नेपाली लेग स्पनेर सन्दीप लामिछानेले तीन विकेट लिएका छन् ।
सिड्नी सिक्सरका विरुद्ध भएको खेलमा सन्दीपले उत्कृष्ट बलिङ गर्दै तीन विकेट लिए । सन्दीपको उत्कृष्ट बलिङसँगै मेलवर्न स्टार्सले आजको खेलमा जीत निकालेको छ । मेलवर्नलाई आजको खेल जित्नै पर्ने थियो।
अब मेलवर्न अघिल्लो चरणको खेलमा प्रवेश गरेको छ । १ सय ६९ रनको लक्ष्य पछ्याएको सिड्नी १४ औँ ओभरको खेल खेल्दै गर्दा ७४ रनमा अल आउट भयो। मेलवर्नले ९४ रनको फराकिलो जित निकालेको छ । मेलवर्नका लागि ३.४ ओभर बलिङ गरेका सन्दीपले तीन विकेट लिँदै ११ रन मात्रै खर्चिए ।
मेलवर्नका लागि जाम्पाले २, ओरलले २ विकेट लिए । म्याक्सवेल र ज्याक्सन बर्डले समान १–१ विकेट लिए । लिग चरणको खेलमा सिड्नीका विरुद्ध जीत निकालेसँगै मेलवर्न सेमिफाइनलमा प्रवेश गरेको छ ।
