२७ माघ २०७५, काठमाडौं
ईङ्लिस प्रिमियर लिग अन्तर्गत लिभुरपुल शिर्ष स्थानमा उक्लिएको छ ।
गएराती आफ्नै घरेलु मैदानमा भएको खेलमा लिभरपुलले बर्नेमाउथलाई ३–० गोलअन्तर परािजत गर्दै शीर्ष स्थानमा उक्लिएको हो । लिभरपुलको जितमा साडियो माने, जर्जियो विजनाल्डम र मोहमद सलाहले समान १–१ गोल गरेका थिए ।
२४औं मिनेटमा मानेले गोल गर्दै लिभरपुललाई अग्रता दिलाएका थिए । ३४ औं मिनेटमा विजनाल्डमले गोल गर्दै लिभरपुललाई पहिलो हाफसम्म २–० गोलको अग्रता दिलाए ।
सलाहले खेलको ४८ औं मिनेटमा गोल गरेपछि लिभरपुलले ३–० गोलको जित हात पारेको हो । जितपछि शीर्ष स्थानमा उक्लिएको लिभरपुलको २६ खेलबाट ६५ भएको छ । बर्नेमाउथको समान खेलबाट ३३ अंक छ ।
