२७ माघ २०७५, काठमाडौँ
नेपाली चलचित्र क्षेत्रमा छोटो समयमा नै दर्शकको मन जित्न सफल नाम सेड्रिना शर्माको पनि हो । उनी चलचित्र नाई नभन्नु ल ५ बाट नेपाली चलचित्र क्षेत्रमा आएकी हुन् । पहिलो चलचित्रबाट नै उनले दर्शकको अथाह माया पाउन सफल भएकी थिइन् ।
अहिले सेड्रिना आफ्नो पढाई पुरा गर्नको लागि भारत गइसकेकी छिन् । उनले भारत जानु केहीदिन अघि आफ्नो गृहजिल्ला दमकमा धमाका मच्चाएकी थिइन् । उनी दमकमा जादाँ उनलाई हेर्न आउने मानिसको भिड सम्हाल्न निकै नै कठिन भएको थियो ।
सेड्रिनाको गृहजिल्ला भएका कारण पनि उनलाई त्यहाँ माया गर्ने मान्छे धेरै थिए । दमकमा सेड्रिनाले आफ्ना फ्यानसँग निकै राम्रो डान्स पनि गरिन् । उनलाई देखेर दमकका दर्शक निकै रमाइरहेका थिए ।
