२८ माघ २०७५, काठमाडौं
मदन भण्डारी स्पोर्टस् एकेडेमी काठमाडौं क्षेत्र नं ४ को क्षेत्रीय कमिटी चाबहिलद्वारा आयोजित प्रथम मदन भण्डारी भेट्रान फुटबल प्रतियोगिता चाबहिल स्थित गणेशथानको चौरमा हुने भएको छ ।
आउँदो फागुन ७ गते देखी प्रजातन्त्र दिवसको अवसरमा प्रथम मदन भण्डारी भेट्रान कप फुटबल प्रतियोगिता हुन लागेको जानकारी कमिटीका सचिव दिपेन्द्र पुडासैनीले परिवर्तन खबरलाई दिएका छन् ।
प्रतियोगितामा प्रथम पुरस्कार नगद रु एक लाख र द्वितिय पुरस्कार रु ५० हजार रहेको छ भने बेस्ट खेलाडी, बेस्ट डिफेन्स, बेस्ट स्कोरर लाई समेत पुरस्कारको ब्यवस्था गरिएको बताईएको छ ।
उपत्यका भित्र र बाहिरका टिमहरुले भेट्रान कप फुटबल खेल्न पाउने छन् भने प्रतियोगितामा २०३६ साल भित्र जन्मेका खेलाडीहरुले मात्र सहभागिता जनाउन पाउने समेत पुडासैनीले जानकारी दिएका छन् ।
प्रतियोगितामा सहभागिताको लागि दर्ता शुल्क रु. ५ हजार रहेको छ भने दर्ता फाल्गुन ३ गते भित्र गरिसक्नु पर्ने छ ।
