हिरो गोल्डकप : भारतविरुद्ध नेपालको ऐतिहासिक जित

२९ माघ २०७५, काठमाडौं

नेपाली महिला राष्ट्रिय फुटबल टोलीले हिरो गोल्डकपको दोस्रो खेलमा भारतविरुद्ध ऐतिहासिक जित रचेको छ ।

कलिंगा रंगशालामा सोमबार सम्पन्न खेलमा सावित्रा भण्डारीको दुई गोलमा नेपाल २–१ ले विजयी भएको हो । भारत को सिनियर महिला टोलीविरुद्ध नेपालको यो पहिलो जित हो । भारतको उडिसामा भैरहेको हिरो गोल्डकप फुटबल प्रतियोगिता अन्तरर्गत नेपालले भारतलाई २–१ गोलले हराएको छ । भुवनेश्वरको कालिङ्गा रंगशालामा भएको खेलमा नेपालले भारतलाई दुई–एकले हराएको हो ।

आजको खेलमा जित हात पारेसँगै नेपालको उपाधि होड कायमै छ । आउँदो बुधबार नेपालले इरानसँग खेल्नेछ । आजै भएको अर्को खेलमा म्यानमारले इरानलाई २–० ले हराएको थियो । आजको जितसँगै अंकतालिकामा म्यानमारको ६ अंक भएको छ भने दुवै खेल हारेको इरान भने अंकविहीन रहेको छ ।