०२ फाल्गुन २०७५, काठमाडौं
च्याम्पियन्स लिग अन्तर्गतको अन्तिम १६ खेलमा टोटनह्यामले बोरुसियालाई हराएको छ । टोटनह्यामको घरेलु मैदानमा भएको खेलमा पाहुना टोली डर्टमुन्डले गोलका केहि राम्रा मौकाहरु सिर्जना गरेको थियो ।
दोस्रो हाफको सुरुवातमानै दक्षिण कोरियाली फरवार्ड ह्युङ मिन सनले इंग्लिस टिमलाई अग्रता दिलाए । उनले जान भर्टोन्घनको क्रसमा उत्कृष्ट गोल संभव बनाए । टोटनह्यामको अग्रता दोब्बर बनाउने क्रममा ८३ औं मिनेटमा भर्टोन्घन आफैले गोल गरेका थिए । बेम्बलीमा घरेलु दर्शकमा उत्साही देखिएको टोटनह्यामले ४ मिनेट समय बाँकी रहँदा तेस्रो गोल गर्यो ।
क्रिस्टियन एरिक्सनको कर्नरमा सब्सटिच्युट फर्नान्डो लोरेन्टेले टोटनह्यामलाई ३–० मा पुर्याएसँगै उसको क्वाटरफाइनल संभावना बलियो बनेको छ। अब डर्टमुन्डले घरेलु मैदानमा ५ मार्चमा चमत्कारीक कमब्याक गरेमात्र क्वाटरफाइनल पुग्ने छ ।
