०२ फागुन २०७५, इटहरी
क्यामरुनको दाफिन्स क्लब २१ औं बुढासुब्बा रेडबुल गोल्डकपको सेमीफाइनलमा प्रवेश गरेको छ । आज भएको अन्तिम क्वाटरफाईनल खेलमा बिभागीय सशस्त्र प्रहरीको एफिएफ क्लबलाई २–० गोलअन्तरले हराउँदै दाफिन्सले गोल्डकपको अन्तिम चारको स्थान पक्का गरेको छ ।
धरान रंगशालामा वुधवार सम्पन्न खेलमा डफिन्सको लागि दुवै गोल एञ्जमा यानिकले गरेका थिए । उनी नै खेलको म्यान अफ दी म्याच घोषित भएका छन् । पहिलो हाफको नवौं मिनेटमा गोल गरेर अग्रता दिलाएका यानिकले र दोस्रो हाफको ४९ मिनेटमा अग्रता दोब्बर पार्दै जितको सुनिश्चितता गरेका हुन् ।
म्यान अफ दी म्याच वनेका यानिकले नगद १५ हजारको साथमा सिल्ड प्राप्त गरेका छन । प्रतियोगितामा बिहिबारवाट सेमीफाईनलका खेल सुरु हुनेछन् । पहिलो सेमीफाइनल खेल आयोजक धरान फुटबल क्लब र लिग उपविजेता संकटा क्लबबीच हुनेछ ।
